Ноќеска во Аргентина се одигра ревијален натпревар во чест на пензионирањето на Макси Родригес, а продефилираа многу ѕвезди, меѓи кои и Лео Меси и легендарниот голгетер Габриел Батистута.
На преполниот стадион „Марсело Биелса“ во Росарио копјата ги вкрстија легендите на клубот Њуел'с Олд Бојс и легендите на репрезентацијата на Аргентина. Во голеада победи Њуел'с со 7:5.
Меси играше во градот и клубот каде што ја почна кариерата, но го носеше дресот со националните бои. Постигна хет-трик. Интересно, на Меси дента му беше роденден.
Макси Родригес одлучи да стави крај на долгата кариера, а заминува во пензија на 42 години. Почна токму во младинските категории Њуел'с Олд Бојс, како и играше последно. Во меѓувреме играше и за Еспањол и Атлетико во Шпанија, Ливерпул во Англија и Пењарол во Уригвај. За репрезентацијата на Аргентина од 2003 до 2014 година одигра 57 натпревари и постигна 16 голови.
За Њуел'с Олд Бојс настапија: Хусто Вижар; Лусиано Вежа, Роберто Сенсини, Гарбиел Хајнце, Фабио Аурелио, Пабло Перес, Дието Матео, Игнасио Скоко, Гижермо Марино, Ариел Ортега, Давид Трезеге и Габриел Батистута. Екипата ја водеше Херардо Марино.
За Аргентина играа: Мариано Андухар; Лионел Скалони, Валтер Самуел, Габриел Милито, Хуан Пабло Сорин, Фернандо Гаго, Естебан Камбиасо, Андрес Д'Алесандро, Макси Родригес, Хавиел Савиола, Анхел Ди Мариа и Лео Меси. Селектор беше Хосе Пекерман.
Судеше легендарниот Ектор Балдаси.