Американскиот тенисер Кристофер Еубенкс (АТП: 43.) направи големо изненадување на Вимблдон и во осминафиналето го совлада грчкиот играч и петти тенисер во светот Стефанос Циципас со резултат 3:2 во сетови (3 :6, 7:6, 3:6, 6 :4, 6:4).
Циципас го доби првиот сет со резултат 6:3 и се чинеше дека е во добар ритам и дека треба да го мине мечот на најдобрите осум на овој Грен слем турнир, но Еубанкс не се предаде и во следниот по тај-брејкот дојде до резултат 1:1.
Циципас повторно поведе во сетовите, откако го реши третиот во своја полза со резултат 6:3, но Еубенкс уште еднаш возврати и го одведе мечот во решавачкиот петти сет со резултат 6:4.
Американецот на крајот успеа да направи големо изненадување и една од најголемите сензации на овогодинешниот турнир, освојувајќи го петтиот сет со резултат 6:4 и со вкупни 3:2 се пласираше во четвртфиналето.
Еубенкс во четвртфиналето ќе игра против рускиот играч Даниил Медведев.