Google в петок ги брише сите стари кориснички сметки

Од 1 декември Google ќе ги избрише сите стари и неактивни Google сметки, односно оние што не биле користени најмалку две години. Така, е-поштата, односно Gmail и другите содржини, како што се фотографиите, записите во календарот, контактите и документите од дискот, ќе бидат избришани, во согласност со новата политика на компанијата. Чистењето на целиот систем има за цел да ги заштити корисниците од безбедносни закани, како што се спам, фишинг измами и кражба на сметки, објаснува Google.

Google ги брише неактивните сметки од својот систем бидејќи, како што велат, „поголема е веројатноста да бидат компромитирани“. Ненадгледуваните сметки често се потпираат на стари или повторно употребени лозинки, имаат помалку безбедносни проверки од корисниците и имаат 10 пати поголема веројатност да немаат поставено двофакторна автентикација, покажуваат внатрешните податоци на Google.

Кога сметката е компромитирана, „може да се користи за сѐ, од кражба на идентитет до спам или дури и злонамерна содржина“, се вели во соопштението на компанијата за промената на политиката.

Google ќе започне со укинување на неактивни сметки на 1 декември 2023 година, според известувањето што тие самите го објавија на страницата. Ќе започне со елиминирање на сметките што луѓето ги создале, а потоа никогаш повеќе не ги посетиле.

Според новата политика на Google, „ако сметката на Google не била користена или најавена најмалку 2 години, сметката и нејзината содржина, вклучително и содржината во Google Workspace (Gmail, Docs, Drive, Meet, Calendar) и Google Photos“ можат да бидат избришани.

Сепак, новите правила важат само за личните сметки на Google, што значи дека училиштните или работните сметки не се засегнати. Дополнително, Google нема да ги отстрани сметките што прикачувале видеа на YouTube или имаат активни претплати на апликации или услуги за вести, според новата политика на компанијата.

Пред бришењето, корисниците ќе добијат „повеќе известувања“ дека нивните сметки ќе бидат укинати пред тоа навистина да се случи, се вели во соопштението на компанијата.

Секој со стара сметка што сака да спречи нејзино бришење може да се најави и да користи една од алатките на компанијата, како што се Gmail, Google Drive, Google Photos и Google Play.

Дејствата што ќе му сигнализираат на Google дека е активен вклучуваат читање или испраќање е-пошта, користење на Google Drive, гледање видеа на Јутјуб, преземање апликација од продавницата на Google Play, користење на Google Search, користење најава на Google за пристап до апликација од трета страна или услуга.

Тагови
реклама

Пронајдена најголемата змија во светот

Read more

Најбогатиот фудбалер во светот итно е хоспитализиран

Read more

Русите нападнаа со тенкови стари 70 години, резултатот – катастрофа

Read more

Веднаш избришете ги: Апликации што крадат банкарски податоци и „чистат“ сметки

Read more

Интернет

YouTube Shorts сега овозможува сечење и ремиксирање видеа

Read more

Хакерите го користат ChatGPT за да ги усовршат сајбер нападите

Read more

Како да ги решите проблемите со Wi-Fi конекцијата во вашиот дом или канцеларија?

Read more

Три милиони четки за заби извеле хакерски напад на швајцарска фирма - милион евра штета

Read more
 

Гик

Нема вештачката интелигенција да ви ја земе работата, туку луѓето кои ја користат

Читај повеќе

Додека Европејците учат англиски, цел Балкан учи германски на Duolingo

Читај повеќе

Масивен сателит денеска неконтролирано паѓа на Земјата, ќе профучи близу Македонија

Читај повеќе

Пронајдена најголемата змија во светот

Читај повеќе

Веднаш избришете ги: Апликации што крадат банкарски податоци и „чистат“ сметки

Читај повеќе

Првиот човек со мозочен имплант контролира маус со своите мисли

Читај повеќе

Кога старите Египќани почнале да ги мумифицираат мртовците?

Читај повеќе

Кинескиот конкурент на Boeing и Airbus го имаше своето меѓународно деби

Читај повеќе

Зошто надуваните луѓе се толку многу гладни?

Читај повеќе