Поранешната порно актерка е обвинета за антисемитизам откако објави фотка на која пие вино од 1943 година и го критикува „израелскиот апартхејд“.
Калифа на Twitter објави фотографија на која се гледа како пие француски шампањ Charles Heidsieck произведен во 1943 година, а тоа го опишува со зборовите „Моето вино е постаро од вашата апартхејд држава“.
Многумина ја обвинуваат за антисемитозам бидејќи пие „нацистичко“ вино, алудирајќи на тоа дека Франција во 1943 била под германска окупација.
„Пиеш вино кое е направено во 1943 година во Франција под германска окупација додека ја порекнуваш нашата вековна еврејска историја во нашата прататковина. Мило ми е што си го нашла нашла совршениот партнер за твојот антисемитизам“, искоментира израелскиот писател Хен Мазиг.
„Кој управуваше со Франција во 1943 година кога виното било направено? Нацистичкото вино е произведено за време на холокаустот“, порача уредникот на Washington Examiner, Сет Мандел.
Иако Франција била окупирана во 1943, натписот на виното е на англиски јазик и го поврзува виното со британскиот пазар.
Поранешната порно актерка ги отфрли обвинувањата за антисемитизам.
Калифа веќе две години е надвор од порно индустријата. Таа е Либанка и тоа родена во католичко семејство со кое во 2001 година се сели во САД бегајќи од војната во Либан.
