Рецепти

Идеален почеток на денот: Здрав и вкусен појадок

7. декември 2019 - 10:09 | М.С.

Со здравиот и богат појадок квалитетно ќе го започнете денот, советуваат нутриционистите. 

Идеалниот појадок е микс од протеини, масти, влакна, јаглехидрати и намирници кои имаат противвоспалитено дејство. Не само што оваа комбинација е полна со нутритиенти, туку таа подолго време ќе ве држи сити.

Најдобро е појадувате комбинација од јаглехидрати и влакна со малку протеини.

Овесните снегулки се одличен избор. Содржат бета глукан, чувар на имунитетот, и полисахарид кој помага во намалување на холестеролот кога се консумира редовно, што е сосема добра причина да ги консумирате за појадок.

Овесните снегулки се богати со омега 3 масни киселини и калиум.

Освен тоа, тие се природни и скоро непреработени, а се состојат од овес кој го намалува нивото на шеќер во крвта.

Освен влакната, овесните снегулки се и одличен извор на комплексни јаглехидрати, а најдоброто од сè е тоа што во 100 гр. содржат само 347 калории.

Се комбинираат со млеко, јогурт, овошје и јаткасти плодови. Направете вкусен појадок со комбинација по ваш вкус.

Коментирај