Кршливите нокти многу често значат дека имате недостаток на витамини. Затоа не е лошо да јадете повеќе зелен зеленчук, бидејќи е богат со фолни киселини кои ги зајакнуваат ноктите.
Освен тоа, не е лошо да знаете која храна може да помогне во негата на ноктите и нивното зајакнување.
Витаминот Ц го поттикнува растот на ноктите, па затоа се препорачува да земете парче лимон и портокал и да го втриете на ноктите еднаш дневно. Треба да триете до 5 минути, а потоа исплакнете со вода. Покрај тоа, портокалите помагаат во производството на колаген, кој е важен за растот на здравите нокти.
Маслиновото масло е одличен избор за нега на ноктите. Ова масло допира до внатрешниот слој на вашите нокти, ги смирува и ги лекува од секаква сувост. Покрај тоа, помага во циркулацијата на крвта и помага во растот на ноктите. Нежно масирајте го маслото во ноктите, облечете памучни ракавици и оставете да делува преку ноќ.
Дополнителниот калциум во лушпата од јајцето помага во зајакнувањето на ноктите. Земете ги лушпите од јајцата, исчистете ги, па сомелете ги и од нив направете паста. Потоа можете да ја нанесете пастата на вашите нокти и да ја оставите некое време.
Медот е одлична намирница против растот на бактерии и габи. Покрај тоа, дополнително се грижи за ноктите и кожата. Се препорачува да се измешаат две лажички мед со неколку капки лимон и да се масираат ноктите. Оставете да делува 20 минути и потоа измијте.