На TikTok се шири нов бизарен тренд „укизам“ и го користат децата кои ја следат инфлуенсерката Уна Каблар, позната како Uki Q.
Луѓето се шокирани од фактот дека ова е еден вид на култ бидејќи се прават ритуали како што е палење на икони и слично.
Култ е религија или религиозна секта која најчесто се смета дека е екстремистичка или лажна и нејзините следбеници често живеат на неконвенционален начин под водство на авторитативен и харизматичен водич. Култот исто така може да се дефинира и како опсесивна, особено пребирлива предаденост или почит кон некоја личност или принцип.
Оваа девојка ја следат милион деца и тинејџери на TikTok и таа има големо влијание над нив, а децата палат икони за да докажат дека „припаѓаат“ на укизам.
- Велат дека сум во секта. Скандалот изби кога отидов да се сликам на гробишта. Јас не направив ништо, отидов само да се фотографирам бидејќи ми требаше таква позадина, а поминував покрај гробиштата и си реков: „aјде“, изјави Уна за IDJTV.
Децата се опседнати со оваа инфлуенсерка, себеси се нарекуваат „укисти“, а неа ја нарекуваат „божица“.
Родителите се вознемирени и загрижени поради овој тренд, а инфлуенсерите очигледно не се свесни за тоа какво влијание имаат врз децата.
Уна за 24sata.hr го изнесе нејзиниот став и изјави дека „инфлуенсерите ги забавуваат децата, а родителите треба да ги воспитуваат“.