Не е тајна дека растенијата, особено во фазата на растење, бараат дополнителна нега, пред сѐ редовна прихрана. Затоа, доколку видите дека вашите цвеќиња попуштаат, посегнете по рецепт од кој за миг ќе живнат. Токму затоа и народски се нарекува инфузија за растенија.
Тука доаѓаме до една добро чувана тајна. Имено, аспиринот, освен што се користи во медицински цели, може да го подобри и растот на растенијата и да им помогне да се опорават.
Причината за тоа е салицилната киселина која помага во растот на растенијата. Аспиринот е корисен за сите видови растенија, било да ги одгледувате во двор или во саксии на балкон.
Сѐ што ви е потребно за оваа инфузија е една таблета аспирин и децилитар дестилирана вода.
Искршете ја таблетата и ставете ја во вода, па мешајте додека убаво не се раствори. Со овој раствор можете да ги полевате или прскате растенијата, а за најдобри резултати треба тоа да го правите ова еднаш неделно.
Овој раствор позитивно ќе делува на развојот на коренот, ќе му овозможи на цвеќето да биде пораскошно и побујно, спречува појава на габи, а одличен е и за пресечено цвеќе. Само додадете го во вазната ако сакате букетот подолго да ви трае.