Програмерите на Instagram моментално ја тестираат интерно новата функција Blend.
Instagram работи на функција која ќе овозможи да се препорача содржината на Reels на корисник и на неговиот пријател, врз основа на видеата што ги споделиле меѓу себе, како и на други индивидуални интереси.
Функцијата, која неодамна беше откриена, моментално се нарекува Blend. Instagram потврди за TechCrunch дека ја тестира опцијата Blend интерно и сè уште не започнале јавно да ја тестираат.
Постои можност Blend никогаш да не биде официјално достапна, но секогаш е интересно да се видат идеите со кои игра Instagram.
Платформата сè уште не откри повеќе детали за тоа како ќе работи Blend, но се очекува дека може да има некаков показател дека друго лице веќе видело одреден Reel, така што луѓето кои имаат пристап до тој Reel може да разговараат за тоа.
Blend може да му даде предност на Instagram бидејќи TikTok нема слична функција, особено кај корисниците кои сакаат заедно да гледаат кратки видео клипови.
