Неуспесите на Москва на бојното поле предизвикуваат губење на контролата врз рускиот „информативен простор“ и драматични промени, тврди Институтот за проучување на војната.
Во специјалното издание на својата дневна анализа, тинк-тенкот откри дека пропагандистите на Кремљ отстапуваат од претпочитаниот наратив на Москва и отворено изразуваат разочарување од спроведувањето на делумната мобилизација на Русија, истовремено жалејќи се за загубата на клучниот град Лиман.
„Некои гости на ТВ-емисиите на Кремљ емитувани на 1 октомври дури ја критикуваа одлуката на рускиот претседател Владимир Путин да анектира четири украински области пред да бидат обезбедени нивните административни граници или дури и линиите на фронтот, изразувајќи сомнеж во способноста на Русија некогаш да ги окупира сите области“, наведува Институтот.
