Иран по седум години повторно ја отвори својата амбасада во Саудиска Арабија, јавува Reuters.
Вратите на комплексот на иранската амбасада во Ријад се повторно отворени, а персоналот го проверува комплексот. Дипломатската мисија беше отворена неколку часа откако иранското Министерство за надворешни работи соопшти дека техничка делегација пристигнала во кралството. Тоа е резултат на договорот за обновување на дипломатските врски меѓу регионалните ривали, со посредство на Кина.
Саудијците и Иранците ги прекинаа односите во 2016 година.
„Иранската делегација ќе ги преземе неопходните мерки во Ријад и Џеда за да формира амбасада и генерален конзулат“, рече портпаролот на иранското Министерство за надворешни работи Насер Канаани во соопштението. Саудиските власти, пак, пристигнаа во Иран за да разговараат за повторно отворање на амбасадата на Ријад во Техеран и конзулатот во Машад, соопшти саудиското Министерство за надворешни работи.
Саудиска Арабија ги прекина односите со Иран во 2016 година по нападот врз нејзината амбасада во Техеран откако Ријад погуби шиитски свештеник. Кралството потоа им даде на иранските дипломати 48 часа да го напуштат Ријад додека го евакуираат нивниот персонал од Техеран.
Односите почнаа да се влошуваат претходната година по интервенцијата на Саудиска Арабија и Обединетите Арапски Емирати во војната во Јемен, во која Иран ја поддржува спротивната страна - Хутите, кои ја соборија владата поддржана од Саудиска Арабија. Во неделата Саудијците и Хутите разговараа за постигнување мир.
