Седумнаесетгодишно девојче исчезнало од Домот за деца без родители и родителска грижа „11 Октомври“ во Скопје. Случајот во полиција синоќа во 21:15 минути го пријавил вработен во Центарот за социјална работа од Скопје, кој бил нејзин старател по службена должност.
Како што информира денеска МВР, било пријавено дека девојчето не се појавило во Домот 11-ти Октомври“ од 21 декември минатата година. Старателот посочил дека девојчето почесто самостојно ја напуштала установата.
Полицијата презема мерки за пронаоѓање на девојчето.
