Туристичка агенција во Исланд објави промотивно видео во кое земјата директно го исмејува извршниот директор на Meta, Марк Закерберг. Набргу по објавувањето видеото стана хит на социјалните мрежи.
Во него Закерберг има двојник наречен Зак Мосбергсон и ја исмејува неговата објава дека Facebook го менува името во Meta.
„Здраво и добре дојдовте во ова многу природно опкружување. Денеска сакам да зборувам за револуционерниот пристап да го поврземе нашиот свет без да бидеме супер чудни“, вели двојникот на Закерберг, алудирајќи на говорот во најавата за Meta.
Слично како Закерберг, тој го најави Icelandverse, јасна пародија на идејата за метаверзум.
Видеото исто така исмејува и момент од приватниот живот на Закерберг, кога во еден момент водителот се мачка со сина кал по лицето, очигледна референца на ситуацијата кога Марк е фотографиран на одмор со маска за заштита од сончевите зраци.
„Неверојатно“, коментираше самиот Закерберг на објавата на агенцијата. „Морам наскоро да отпатувам на Icelandverse. Мило ми е што и ти користиш крема за сончање, додаде Марк на Facebook.
Видеото е продуцирано од агенција која го промовира Исланд и неговите домашни производи.