Истрагата се води во институциите, а не во јавноста и медиумите, вели Спасовски

Дали се приведени некои лица во врска со автобуската несреќа во Бугарија, јавноста ќе биде информирана во соодветен момент, рече министерот за внатрешни работи Оливер Спасовски.

Како што соопшти Спасовски, лицата се достапни, тука се и се разговара со нив врз основа на наредби од Јавното обвинителство (ЈО). Пронајдено е нешто и во компјутерите што беа одземени од туристичката агенција, но и тоа се факти кои ќе ги анализира ЈО.

Деталите не може да се кажат сега, потенцира министерот, зашто истрагата се води во органите, а не во медиумите.

– Ќе има разговори и со патници од другите автобуси кои вечерта биле во таа група. Но, се чекаат наредбите и врз основа на нив ќе постапуваме зашто сè што не се прибира како материјал согласно наредба на надлежните органи, не се користи како доказ. Веќе се прибираат вакви податоци од ЈО преку МВР, потенцира Спасовски, одговорајќи на новинарски прашања по прес-конференцијата на која беа и министрите за внатрешни работи и за транспорт и врски, Бујар Османи и Благој Бочварски.

Според него, се знае кога пристигнале останатите автобуси во државава, но не се влезени сите во конвои.

– Има точна временска рамка кога пристигнале и кои патници. Сите тие податоци се достапни и се во Обвинителството, рече Спасовски.

Тој порача за фактите околу оваа и сите други истраги, да се слушаат само надлежните органи.

– Истрагите се водат во институциите, а не во јавноста. Слушајте ги официјалните информации што се пренесуваат од страна на надлежните органи, сè друго е шпекулација. Ако сакаме да имаме информации и факти, треба да ги слушаме надлежните органи, напомена министерот.

Тој дополни и дека сè што е побарано од бугарскиот истражен тим како податок, документ, материјал или информација, е прибрано и доставено.

Спасовски информира и дека е заведен посебен предмет во Обвинителството за да бидат утврдени сите аспекти поврзани со правното лице и да има одговорност.

– Заведен е посебен предмет во Обвинителството кој треба да ги утврди сите факти и докази кои се во корелација со несреќата и со незаконското работење на компанијата. Заведовме и посебна оперативна обработка која нема да се однесува само на една компанија, туку на сите фирми и институции. Ќе се прават проверки за секој аспект: од добивање лекарски уверенија на возачите до добивање лиценци. Секаде каде што ќе се утврдат пропусти и неправилности, ќе има одговорност, истакна Спасовски.

Во однос на одговорноста, тој го впери прстот и кон одолговлекувањето на постапките.

– Одговорноста е едно од најважните прашања. Многу е важно да имаме ефикасни постапки. Сметам дека не само интуициите кои постапувале пред истрагата или во истражната постапка, туку и во рамки на судските постапки треба да биде динамично. Ако тоа не е случај, а гледаме дека со Ласкарци тоа не е случај, ќе треба да се носи и друга одговорност. Секој од нас нема да верува во системот во кој има одложување на правдата. Затоа ќе мора час поскоро сите институции да бидат ставени во функција за да има конкретна одговорност. Инаку, сите контроли, постигнувањето добри резултати во однос на жртви и повреди, сиот кредибилитет го рушат еден или два случаја со загинати и постапки кои се одолговлекуваат во судските лавиринти, рече Спасовски. 

реклама

Секс во бременост: Дали е безбеден за бебето и кои пози и се најудобни на жената?

Read more

Ситуации и места каде што е најлесно да се заразите со омикрон

Read more

Зеленчук што дебелее: Ако сте на диета, внимателно колку го јадете

Read more

IQ мапа: Кој е поглуп, а кој попаметен од Македонците во Европа?

Read more

Хроника

Приведено лице по распишана потерница за доиздржување казна затвор

Read more

Тетовец пријавен за исчезнат пронајден мртов

Read more

Струмичанка силувана од невенчаниот сопруг и од други лица

Read more

Приведен 28-годишник од Претор поради агресивно однесување врз полицајци

Read more
 

Вести

Борисов: Има теми за кои двете страни мора да направат компромис

Читај повеќе

Австралија нуди сезонски работни места за туристи и студенти од странство

Читај повеќе

Светиот крст во Скопје посветен на сите учесници во церемонијата за Богојавление

Читај повеќе

Следува влажен и студен бран со снег и голомразица

Читај повеќе

Приведено лице по распишана потерница за доиздржување казна затвор

Читај повеќе

СЗО: Да не се залажуваме, далеку сме од крајот на пандемијата

Читај повеќе

Оваа година крстот ќе биде положен во осветените води, но со ограничен број на луѓе

Читај повеќе

Влошена епидемиолошката состојба – расте бројот на новозаразени и на реинфекции

Читај повеќе

Најстудено во Маврови Анови, најмногу снег на Попова Шапка

Читај повеќе