Италијанската фудбалска федерација излезе со официјално соопштение во пресрет на четвртфиналната пресметка со Белгија чии фудбалери пред секој натпревар клекнуваат на колена како поддршка на движењето Black Lives Matter.
Италијанците не го поддржуваат движето Black Lives Matter и не клекнуваат на колена пред нивните натпревари, но исклучок веројатно ќе направат в петок.
Имено, репрезентативците на Белгија пред почетокот на секој нивен натпревар клекнуваат на колена и на тој начин искажуваат поддршка на движењето Black Lives Matter кое почна со убиството на Афроамериканецот Џорџ Флојд од полицаец во САД.
„Тимот ќе клекне во знак на солидарност со противникот. Не во чест на движењето, кое ние не го поддржуваме. Австриските играчи не клекнаа па затоа и нашите останаа на нозе. Доколку Белгијците клекнат, нашите ќе го сторат истото во знак на солидарност со нив“, стои во соопштението на ФИГЦ објавено во весникот La Repubblica.
Проблем настана кога Италија играше против Велс во 3. коло од фазата по групи. Велшките играчи сите до еден клекнаа, додека кај „Аѕурите“ тоа го сторија само Андреа Белоти, Матео Песина, Емерсон Палмиери, Рафаел Толои и Федерико Бернардески, додека останатите не го следеа нивниот пример.
Тоа наиде на критики во италијанската јавност бидејќи некоордираноста на играчите во поглед на тоа прашање направи да изгледаат комично пред почетниот свиреж.
Белгијците клечат на сите натпревари почнувајчи од првиот против Русија. Тогаш руските фудбалери останаа на нозе, а публиката на „Кресовскиј“ стадион во Санкт Петербург со свижери го осуди потегот на Белгија.
