Во фудбалската академија „Мохамед VI“ во градот Сале денеска се одржа жрепката за Светското клупско првенство, кое од 1 до 11 февруари ќе се одигра во Мароко.
На Светското клупско првенство во организација на ФИФА ќе настапат 7 екипи, победници на најсилните континентални натпреварувања (Реал Мадрид, Фламенгу, Видад, Сиетл Саундерс, Оукленд Сити), африканскиот вицешампион Ал Ахли и претставникот од Азија (Ал Хилал).
Клупскиот Мундијал ќе биде отворен со дуелот меѓу Ал Ахли (Египет) и Оукленд Сити (Нов Зеланд), а победникот во четвртфиналето ќе игра против првакот на КОНКАКАФ, Сиетл Саундерс (САД), додека подобриот од таа пресметка во полуфиналето го чека европскиот шампион Реал Мадрид (Шпанија).
Во вториот дел од жрепката е јужноамериканскиот шампион Фламенгу (Бразил), кој во полуфиналето ќе игра против победникот од дуелот меѓу домашниот Видад (Мароко) и Ал Хилал (Саудиска Арабија).
Финалето и натпреварот за третото место се на програмата на 11 февруари.
Сите натпреварите ќе се играат во мароканските градови Рабат и Танжер.
Бидејќи сезоната во азиската Лига на шампиони се пролонгира и допрва ќе заврши, Азиската фудбалска конфедерација на овој Мундијал не ја претставува шампионот за изминатата сезона, туку АФЦ го номинираше претходниот освојувач Ал Хилал.
Титулата лани ја освои Челси, совладувајќи го во финалето бразилски Палмејрас.
Најмногу светски клупски титули има Реал - 7, по што следуваат Милан и Баерн со по 4.