Познатиот американски јутјубер и професионален боксер, Џејк Пол, се спореди со Мухамед Али и Мајк Тајсон.
Пол, кој дебитираше во професионалниот бокс лани на 21 декември, во кариерата има само три борби и сите ги заврши со нокаут.
Во пресрет на борбата против Тајрон Вудли в неделата, Џејк Пол се спореди со Мухамед Али и Мајк Тајсон.
„За денешните деца личам на Мајк Тајсон. Нивните баби и дедовци ги имаа Мухамед Али и Мајк Тајсон, нивните татковци го имаа Флојд Мејведер, а оваа генерација го има Џејк Пол“, рече Пол во интервјуто со коментаторот Брајан Кастер.
Американскиот јутјубер и боксер ќе се бори со поранешниот УФЦ шампион Тајрон Вудли на 29 август во Кливленд.
