Две години откако го напушти Торино, Моис Кин се враќа во Јувентус како замена за португалската ѕвезда.
„Старата дама“ експресно пронајде замена за Кристијано Роналдо, и тоа 15 години помладиот Моис Кин кој всушност се враќа во клубот од каде и ја започна кариерата на сениорско ниво.
Летото 2019 година Јуве одлучи да го продаде Кин во Евертон за 28 милиони евра, но Брежанецот, кој интернационално одлучи да настапува Италија, не се снајде на Островот. По една разочарувачка сезона на „Гудисон Парк“, Кин беше позајмен во ПСЖ каде лани на 41 натпревар погоди 17 пати, но „Светците“ сепак одлучија да не го задржат.
Овој пат Евертон направи зделка со која конечно ќе се ослободи од него. Јувентус ќе го донесе на позајмица, но со задолжителен откуп во 2023 година. Јуве веднаш ќе плати 7 милиони евра, а потоа на три рати ќе отплати вкупно 28, практично истите пари за кои и го продаде. Додадтно, Јуве може да плати уште 3 милиони доколку Кин оствари одредени цели во бело-црниот дрес.
Во двете сезони во кои беше дел од првиот тим на Јуве (16/17 и 18/19) Кин постигна 7 гола во Серија А и се најави како еден од најталентирани надежи во Европа. Иако имаше солидна сезона во ПСЖ, на крајот беше еден од оние играчи кои Роберто Манчини ги отпиша од списокот за Европското првенство, каде Италија стана и шампион.
Кин е роден во Италија, но е етнички Брежанец бидејќи двајцата родители му се имигранти од Брегот на Слоновата Коска.
