Откако денеска го совлада Велс во второто полуфинале, репрезентацијата на Јужна Африка ќе игра во големото финале против Англија.
Јужноафриканците извојуваа тесна победа од 19:16 над Велшаните кои испуштија голема шанса да се изборат за своито прво финале. Вака, Велс ќе мора да се задоволи со борбата за третото место и да го повтори успехот од Мундијалот во 1987 кога беа бронзени.
Хандре Полард беше најдобар поединец кај Јужна Африка реализирајќи четири пенали.
Африканците в сабота против Англија ќе го репризираат финалето од 2007 година кога во Франција победија со 15:6 и дојдоа до пехарот. Ова за нив ќе биде трето финале, а досега триумфираа во двата наврата.