Во текот на изминатите неколку месеци криптовалутите, а посебно биткоин, станаа многу познати и сѐ повеќе луѓе влегуваат во овој бизнис, кој се покажа како многу профитабилен за оние кои знаат да тргуваат правилно. Она што многумина не го знаат е како да почнат со тргување со криптовалути, и каде да го направат тоа.
Најпознатата досегашна солуција за прашањето: „Од каде да почнам?“ е Coinbase, онаму каде што почна поголемиот дел од „трговците“ со криптовалути во Македонија. Но, тоа не е единствената опција, па можеби е подобро да пробате некоја од алтернативите кои се многу побезбедна опција од Coinbase.
Сите веб-страници работат на истиот принцип, и преку нив можете да купувате, продавате и складирате биткоини.
Kraken
Kraken беше основана во 2011 година, а ги поддржува сите поголеми криптовалути: Bitcoin, Ether, Monero, Litecoin, Zcash и слично. Покрај нив, оваа страна има поддршка и за стандардните светски валути како што се доларот, фунтата, јенот и еврото.
Иако може да се покаже како сложена за почетниците, Kraken нуди голем број опции за тргување со криптовалути. Таа засега има развиено само апликација за iOS, но и таа е многу ограничена. Негативната страна е што Kraken наплаќа доколку сакате да ги извадите токените од сметката, но сумата е минимална.
Bitstamp
Кога се работи за дневниот обрт и бројот на трансакции на дневно ниво, Bitstamp се наоѓа при самиот врв. Страницата е основана во Словенија, а поддржува Bitcoin, Ether, Litecoin, Ripple, Bitcoin Cash, како и долар и евро.
За разлика од Kraken, Bitstamp има прилично добра и функционална апликација за iOS и Android, преку која можете да купувате, продавате и складирате токени на вашата сметка.
Binance
Binance е прилично нова мрежа преку која можете да тргувате со криптовалути, но затоа нуди огромен, најголем избор на криптовалути во кои можете да инвестирате. Малку потешко оди регистрацијата за мрежата, но сето тоа се исплати бидејќи Binance бара многу помали суми за вадење на токените од вашата сметка.
Binance е базирана во Кина и има апликација за iOS и Android.
