Според официјалните податоци на специјализираниот трансфер портал Transfermarkt, новиот сопственик на Челси, Тод Боли, во сезоната 2022/2023 потрошил 425 милиони евра.
Најскапиот трансфер на „Сините“ беше доведувањето на Весли Фофана од Лестер, а тие му платија 80,4 милиони евра, додека трансферот на Украинецот Михаило Мудрик од Шахтјор, кој вчера и официјално потпиша за клубот, чинеше 70 милиони евра, без бонуси кои може да достигнат и 100 милиони евра.
Сепак, се бројат само официјални обештетувања, па логично е дека со бонусите, трошоците на Челси за засилувањата би можело да бидат значително поголеми од споменатите 425 милиони евра.
Доаѓањето на левиот бек на Брајтон Марко Кукурела го чинеше Челзи 65 милиони евра, додека за Рахим Стерлинг од Манчестер Сити платија 56,2 милиони евра.
И тоа не е сè, Челси плати по 38 милиони евра за Беноа Бадијашиле од Монако и Калиду Кулибали од Наполи, додека трансферот на Карни Чуквуемека од Астон Вила чинеше 18 милиони евра.
Отштета од 12,5 милиони платија за Андреј Сантош од Васко де Гама, Пјер-Емерик Обамејанг од Барселона и Давид Датро Фофана од Молде чинат по 12 милиони евра, додека за заемот на Жоао Феликс од Атлетико Мадрид платија 11 милиони евра.
Трансферот на Габриел Слонина од Чикаго го платија 9,09 милиони евра, додека на Денис Закарија од Јувентус, исто така на позајмица, му беа исплатени три милиони евра.
И на крајот од сето тоа Челси е на десеттата позиција на табелата. Се чини дека не остана ништо од клубот кој пред минатата сезона ја освои Лигата на шампионите, а заминувањето на поранешниот сопственик Роман Абрамович и доаѓањето на Тод Боли донесоа промена на тренерската клупа, отказ за Томас Тухел и доаѓање на Греам Потер и многу нови играчи.