Нарцисоидното нарушување на личност во современиот свет стана аларм за предупредување, особено кога станува збор за емотивните односи. Терминот нарцис денес значи повеќе од суета и превисока самопочит.
На луѓето кои имаат нарцисоидно нарушување им е потребна поддршка во вид на стручно лице, психолог и психотерапевт, за да ги освестат кои начини на однесување треба да ги избегнат, но и како да се ослободат од траума или негативни емоции кои длабоко во нив се потиснати.
Првата работа кон освестување е да сфатат дека заслужуваат да бидат сакани, како и дека имаат способност да сакаат.
Кои знаци укажуваат дека сте нарцис?
- Постојано сакате да бидете во центарот на внимание
- Имате навика да делите несакани совети, мислите дека сте информирани за сѐ и сешто.
- Нарцисите можат да бидат доста шармантни и да го кријат вистинското лице, на почеток се фини, потоа се откриваат какви се.
- Склони се кон постојано натпреварување, работите ги доведуваат до крајност – сакаат да се први на работа, дома, додека спортуваат, додека разговараат.
- Познати се по тоа што лесно се лутат за секоја ситница, бидејќи постојано сакаат да се во право.
- Не признаваат вина, не преземаат одговорност за постапките.
- Им недостига емпатија, не се во состојба да ги осетат емоциите на другите луѓе.
- Се борат со несигурности, секогаш бараат потврда од другите бидејќи постојано се плашат да не бидат исмеани, отфрлени.