Коронавирусот може да доведе до дефицит на железо во организмот, а недостигот на кој било минерал се одразува на целокупното здравје на човекот.
Но, ако обрнете внимание на одредени знаци може да забележите недостиг на железо и да направите измени во исхраната за да ја подобрите здравствената состојба.
„Ако лицето по прележана корона има недостиг на железо, тоа ќе биде проследено со одредени знаци како општа слабост, губење на косата, влошена состојба на ноктите, кожата и слично“, објаснува руската докторка и нутриционист Рима Мојсенко, пренесе Спутник.
Вели дека ниту во еден случај не треба самостојно да носиме заклучоци, туку најпрвин да се обратиме на доктор за да се утврди причината за дефицит на железо.
„Тоа може да биде поврзано и со недостиг на други минерали, на пример бакар или магнезиум, а може да биде поврзано и со нарушена цревна флора. Многу фактори влијаат на намаленото ниво на железо, затоа е многу важно да се одреди зошто доаѓа до тоа“, објаснува докторката.
Истовремено додава дека недостигот на железо првенствено се надополнува со соодветна исхрана. Советува консумирање на џигер – говедски, свински или пилешки, добро зготвени говедски бубрези или срце.
Тука се и придобивките од хељда, а добро е да се консумира и голема количина на зелен зеленчук во комбинација со црвено месо со што ќе се подигне нивото на железо во крвта.