Нашиот скалп треба да произведе одредена количина на масло за да остане влажно и да ја заштити косата преку формирање на тенок слој. Меѓутоа, прекумерната количина на маснотии може да доведе до недостаток на волумен, но и до иритација.
За среќа, ако ја откриете причината за прекумерно мрсната коса, можете да ја ставите под контрола.
Една од најчестите причини зошто косата станува мрсна е тоа што ја миете почесто отколку што треба. На вашиот скалп има многу добри бактерии кои промовираат здраво ниво на pH на нашата кожа, а честото миење може да предизвика да ја нарушиме рамнотежата на оваа pH вредност. Најдобро би било постепено да го намалувате бројот на миење на косата и да користите производи што не го сушат скалпот.
Иако многу луѓе го користат коњското опавче како добар начин да ја сокријат мрсната коса, всушност оваа фризура предизвикува таложење на маснотии под коренот на косата. Тоа е затоа што овие типови на фризури бараат многу производи за стилизирање. Затоа, не треба да претерувате со производите за стилизирање.
Миењето на косата со топла вода помага за отворање на порите, но помага и за отстранување на нечистотијата. Сепак, може да биде штетно и за косата бидејќи го измива лојот и може да го исуши скалпот, што на крајот доведува до првут и мрсна коса. Во овој случај, најдобро би било да користите топла вода додека нанесувате шампон и регенератор, а на крајот исплакнете ја косата со ладна вода за да ги затворите порите.
Кога ја миете косата, важно е да користите производи што одговараат на вашата коса и скалп. Производите кои се премногу силни може да ја направат вашата коса рамна и мрсна. Ако имате нормален тип на коса, попрво треба да избегнувате производи наменети за сува и оштетена коса.
Кога ја допирате косата, ги пренесувате бактериите и на тој начин ја поттикнувате побрзо да се масни. Исто така, пречестото четкање исто така може да предизвика вашата коса побрзо да се масни. Затоа, најдобро е што помалку да ја допирате косата и да ја чешлате само двапати на ден.
