Без разлика колку сте младолики дланките ја издаваат вашата вистинска возраст. Но, ако правилно се грижите за вашите дланки нема да имате никаков проблем да кажете дека сте 5 години помлади.
Често изложување на дланките на сапун ги суши вашите дланки и предизвикува перутење. Не користете антибактериски гел освен ако навистина не ви е потребен и избегнувајте парфеми бидејќи ја сушат и иритираат кожата.
Мијте ги дланките со млака вода за да не го оштетите заштитниот слој на кожата и одберете тоалетна хартија наместо електричен фен за да ги исушите. Користете масло од јојоба, маслиново масло или алое вера и ништо повеќе.
Носете ракавици за да ги заштитите дланките од штетни влијанија. Памучни и волнени ракавица во зима за да ве заштитат од студот и гумени ракавици за секојдневни работи како миење садови, чистење на тоалетот и бришење прашина.
На вашите дланки им е потребна правилна хидратација. Нанесете крема за дланки два пати во денот – наутро и навечер, а доколку имате проблем со сува кожа нанесете малку крема по секое миење.
За да ја избегнете непријатната депигментација на дланките, редовно користете крема за сончање или пак нанесете маска од една супена лажица лимон, една супена лажица млеко и едно чајно лажиче мед.