Има неколку начини да се запре или спречи икање кај новороденчињата.
Некои од начините се да се прават паузи за време на хранењето за да може бебето да подждригне, а и користењето цуцла исто така може да помогне. Важно е да се запамети дека повеќето бебиња икаат во првата година од животот, што обично не треба да предизвикува загриженост.
Икање се јавува кога дијафрагмата на детето се затегнува. Ова го турка воздухот низ затворените гласни жици, создавајќи звук на икање.
Ќе разјасниме прво што предизвикува икање и кои се најдобрите начини да се запре и спречи овој феномен. Има и случаи кога е добро да се посети лекар.
Икањето обично не им штети на бебињата, па иако возрасните може да се чувствуваат непријатно при икање, тоа не им предизвикува голема непријатност на бебињата. Обично е во ред да го оставите бебето самостојно да престане со икање. Ако не запре по некое време, добро е да разговарате со вашиот лекар.
Ако сте загрижени, следниве стратегии може да бидат корисни:
Пауза за поджригнување
Кога стомакот ќе се наполни со воздух, може да ја притисне дијафрагмата, предизвикувајќи грчеви. Правењето пауза од хранење за да се подждригне бебето може да ја намали количината на воздух во стомакот. Ова може да спречи икање.
Според Американската академија за педијатрија, добро е да се запре хранењето откако бебето ќе испие 30 до 60 милилитри млеко за да подждригне, па продолжете со хранење. Ако доите, добро е да ги правите овие паузи додека го преместувате од една дојка на друга.
Користење цуцла
Цицањето цуцла може да помогне да се релаксира дијафрагмата и да се запре икањето.
Триење на грбот
Триењето на грбот и лулањето на бебето напред и назад може да му помогне да се релаксира. Ова може да ги запре грчевите што предизвикуваат икање.
Икањето често не може да се спречи, а следниве стратегии можат да ви помогнат:
- Хранете го бебето пред да стане многу гладно, за да биде мирно
- често хранење на бебето во мали количини
- држете го бебето исправено половина час по секое хранење
- прилагодете го шишето така што нема да поминува воздух низ цуцлата
- внимавајте бебето целосно да ја има опфатено цуцлата со усните