Социјалната работничка Ирена Сендлер од Полска успеала да спаси над 2.000 деца од рацете на нацистите, но нејзиното име и понатаму останува непознато за многумина.
Станува збор за Ирена Сендлер, жена која како медицинска работничка успеала да спаси над 2.000 еврејски деца криумчарејќи ги од варшавското гето, во периодот меѓу 1942 година и 1943 година. Нејзините достигнувања со години биле незабележани, а нејзината приказна ја откриле студенти во Канзас.
Како Ирена успеала да ги спаси децата е навистина трогателно. Ги криела во торби, ковчези, скриени меѓу намирници, префрлувани во противпожарни возила, камиони за отпад или во амбулантско возило, со лажни документи децата биле пренесени на безбедно место.
Ирена на секое дете успеала да му даде ново име и нов идентитет, а податоците ги сочувала во шише закопано под јаболкница во двор. Во шишето имало над 2.000 имиња.
Во октомври, 1943 година Ирена била разоткриена од нацистите, а Гестапо ѝ ги скршил нозете и рацете. Завршила во затвор, но нејзиниот дух не бил скршен. Била спасена секунда пред закажана егзекуција.
Иренац почина на 12 мај 2008 година, на 98-годишна возраст.
Во анимираното видео на TED-Ed ќе ја погледнете анимираната историја за оваа храбра жена:
