Сè поблиску сме до пристигнувањето на електричната G класа.
Како што е познато, моделот ја носи ознаката EQG, а ќе има електричен погон со четири независни електромотори. Секако, ќе се напојува од огромна батерија за возилото да има задоволителен опсег дури и при возење надвор од патот.
Првиот човек на Mercedes, Ола Калениус, реши да покаже колку навистина може G класата возејќи по австриската планина Шокл. Тој не го штедеше возилото, што јасно го покажува реакцијата на сопатничката. Конечно, со возилото изведе вртење во место познато како Tank-turn, кое сега се нарекува G-Turn.
Интересно е што G-turn ќе биде опција и на сериското возило, а корисникот ќе може да го избере саканиот агол на вртење, 90, 180 и до 360 степени. Премиерата на EQG ја очекуваме во 2024 година, а потоа и наводно доаѓањето на помал модел, т.н. Little G.