Живот

Како изгледа животот во градот што тоне со најголема брзина во светот?

14. август 2018 - 10:25 | Б.С.Б.

Џакарта е дом на 10 милиони луѓе, но исто така е и град кој тоне со најголема брзина во светот. Ако продолжи вака, до 2050 година делови од него ќе бидат целосно под вода.

Поплавите се честа појава во Џакарта, но според експертите, ќе биде сè полошо бидејќи градот буквално тоне под земјата, пишува BBC. Северниот дел на Џакарта тоне по 25 сантиметри секоја година. Според научникот Хери Андреас, кој во последните 20 години се занимава со оваа проблематика, до 20150 година околу 95% од северна Џакарта ќе биде потоната.

Во последните 10 години северна Џакарта потонала 2.5 метри и продолжува да тоне по 25 сантиметри во некои делови на градот. И другиот дел од градот тоне, но со помала брзина. Во западна Џакарта почвата тоне 15 сантиметри годишно. Брзината со која тоне градот е алармантна. Можеби изгледа чудно, но малкумина во Џакарта имаат поплаки бидејќи за жителите ова е уште еден од многубројните инфраструктурни предизвици со кои секојдневно се справуваат.

Во голем дел за потонувањето на градот влијае и прекумерната екстракција на подземните води за употреба како вода за пиење, капење и дури секојдневни потреби на жителите. Но, кога се испумпуваат подземните води земјата над неа тоне. Жителите велат дека немаат друг избор кога властите не можат да се справат со оваа проблематика. Експертите го потврдуваат ова, властите можат да ги задоволат потребите за вода на 40% на населените, така што останатите се принудени сами да се снајдат.

Коментирај