На TikTok се појави видео со наслов Roe v. Bros, кое се однесува на судскиот случај Roe v. Wade (Роу против Вејд) што им го загарантира на жените правото на безбеден абортус, а беше поништен претходно годинава.
Во видеото, жена игра улога на водителка и им поставува прашања на мажи случајни минувачи за менструалниот циклус на жените, за да нагласи дека познавањето на проблемите со репродуктивното здравје може да влијае на среднорочните избори што се одржаа на 8 ноември.
„Што е менструација“ и „Зошто има различни големини на тампони“ се само дел од прашањата на кои мажите погрешно одговориле.
„Колку тампони користат жените во просек за време на еден менструален циклус?“, го прашува „водителката“ еден случаен минувач кој одговара: „Еден? Или два? Мислам еден, да бидам искрен“.
@roevbros The game show where we find out how much men know about women’s bodies: Episode 2 #womenshealth #womensrights #roevwade #midterms #vote #gameshow #comedy #roevember #roeroeroeyourvote #bansoffourbodies #abortionrights #prochoice #reproductiverights #wewontbackdown #voteforabortionrights #reproductivehealth #election2022 ♬ original sound - roevbros
„Дали можеш да мочаш со тампон?“ е следното прашање, а еден маж одговара: „Мислам дека мора да се извади. Имам видено мали корпи за отпадоци во тоалетите, веројатно за тоа се“.
@roevbros The game show where we find out how much men know about women’s bodies: Episode 5 #womenshealth #womensrights #roevwade #midterms #vote #gameshow #comedy #roevember #roeroeroeyourvote #bansoffourbodies #abortionrights #prochoice #reproductiverights #wewontbackdown #voteforabortionrights #reproductivehealth #election2022 #womensrightsarehumanrights ♬ original sound - roevbros
Видеото завршува со пораката: „Не дозволувајте машкиот мозок да ги надгласува жените на претстојните избори“.
Откако Врховниот суд го поништи Роу против Вејд, давајќи им на државите овластување да донесуваат сопствени закони за абортус, 12 држави целосно ги забранија, додека неколку други донесоа многу рестриктивни закони за абортус.
Голем број познати личности споделија свои приказни за абортус во последниве месеци, дури и изразија гнев кон пратениците, од кои повеќето се мажи кои нема да бидат погодени од забраната за абортус.