Пчелите се летечки инсекти, најпознати по нивната улога во опрашувањето на разни растенија, а истовремено и за производство на мед и восок.
Има повеќе од 16.000 видови на пчели во седум научно признаени семејства. Тие се присутни на секој континент освен Антарктикот, односно во секоја средина каде има скриеносеменици што се опрашуваат со инсекти. Во Македонија е позната расата мариовска пчела од видот европска медоносна пчела (Apis mellifera).
Некои видови, вклучувајќи ги медоносните пчели, бумбари и пчели без боцки живеат социјално во колонии. Плечите се адаптирани за да се исхранат со нектар и полен. Нектарот главно го користат како извор на енергија, додека поленот го користат за протеини и други хранливи материи. Најголемиот дел од поленот се користи како храна за ларвите. Опрашувањето од пчели е еколошки и комерцијално многу важно, а со намалениот број на диви пчели се зголемила значајноста одгледувањето пчели во сандаци.
Податоци за пчеларството може да се најдат уште од времето на древен Египет и стара Грција. Освен нивната улога во производство на мед и опрашување, медоносните пчели исто така произведуваат и восок, прополис и пчелин млеч.
Она што ги фасцинирало луѓето долго време е како комуницираат пчелите во една колонија и како го одржуваат нивниот беспрекорен ред на работа.
Во најновата епизода од Cosmos: Possible Worlds на National Geographic, Нил Деграс Тајсон објаснува како и зошто пчелите комуницираат и си даваат насока и координати.