Шпанскиот Суперкуп се играше во Ријад, а победи Барселона, која во полуфиналето по изведување пенали го победи Бетис, а во финалето и Реал Мадрид со 3:1.
Шпанските медиуми објавија како биле распределни парите за натпреварувањето чија организација ѝ беше продадена на Саудиска Арабија за приближно 40 милиони евра.
Најмногу, околу 20 милиони евра добила Кралската фудбалска федерација на Шпанија, која таа сума ќе им ја распредели на клубовите. Заработката на Бетис е 750.000 евра, вториот полуфиналист Валенсија ќе добие 1,7 милиони евра, а Барселона и Реал Мадрид по 2,8 милиони евра. Повеќе од тоа ќе заработи Cosmom, компанијата во сопственост на Жерард Пике, како провизија за учество и затворање на зделката со која натпреварувањето беше преместено во Саудиска Арабија.
Пике, кој сега е во пензија, го склучил овој договор со претседателот на Федерацијата Луис Рубиалес уште додека бил играч на Барселона, поради што се најде на удар. Беше посочено дека тој и Федерацијата ќе профитираат од заминувањето на Барселона (и Реал Мадрид) во друга земја, пласманот во финалето и евентуалната победа на натпреварувањето.