Вселенскиот телескоп James Webb на НАСА веројатно е една од најочекуваните вселенски мисии во модерното време.
Првите планови беа направени уште во 1996 година, а по многу одложувања, новиот датум за лансирање е 22 декември.
Овој телескоп буквално може да го промени начинот на кој го гледаме универзумот! Научниците веќе предвидуваат дека ќе открие вонземски живот, со оглед на тоа дека станува збор за најчувствителниот инструмент што некогаш бил употребен за оптичко проучување на вселената.
Научниците и инженерите напорно работеа за да ги монтираат сите делови од совршеното огледало кое ќе ја фокусира светлината на објектите кои во моментов не можеме да ги видиме, како атмосферата на планетите, областите во кои се раѓаат ѕвезди и сцени од времето на создавање на нашата вселена.
Кога телескопот ќе се најде во вселената сегментите на огледалото ќе работат заедно како едно. Шестоаголните сегменти имаат пречник поголем од 130 сантиметри и поединечно тежат околу 40 килограми.
