Есента е период кога сте стално уморни без причина, но и низа на други симптоми кои се проследени со доаѓањето на ова годишно време. Прочитајте неколку есенски „маки“, но и решенија.
Деновите се пократки, времето се расипува, а со тоа се расипува и расположението и чувствуваме недостаток на енергија.
Но, тоа не е се – промената на годишните времиња влијае и на одредени процеси во нашиот организам, а за тоа е одговорна еволуцијата.
Еве какви промени може да очекувате во есен:
Опаѓање на коса
Немојте да се загрижите ако забележите дека косата ви опаѓа повеќе од обично, тоа е природен циклус. Во еден момент 90 отсто од нашата коса расте, а остатокот е во мирување (таканаречена телогенска фаза) која трае меѓу два и шест месеци, за потоа да започне да опаѓа.
Значи се работи за природен процес во три фази – раст, мирување и опаѓање.
Кај жените, како што велат научниците, мирувањето на косата се случува во јули, а оваа фаза завршува три месеци подоцна и косата започнува да опаѓа од октомври.
Едно од логичните објаснувања за оваа појава се еволуциските прилагодувања, во лето косата е неопходна за да ја заштити кожата на главата од сонце.
Во есен паѓа и нивото на витамин Д, бидејќи има се помалку сончеви денови, а тоа може да доведе и до значително опаѓање на коса, неуредна менструација и други промени.
Кога на тоа ќе го додадете и фактот дека секоја четврта жена има недостаток на железо, што го зголемува ризикот од анемија и опаѓањето на коса, станува јасно.
Овде во прилог оди и тоа што 10 отсто до жените не внесуваат доволно јод во организмот, што влијае во работата на тироидната жлезда и тоа исто така доведува до опаѓање на коса.
Што да направите? Јадете продукти богати со протеини и внесувајте доволно вода.
Кожата е сува
Воздухот станува поладен и посув, а ни греењето, посебно централното, не влијае добро на кожата.
Внесувајте повеќе вода, а можеби би требало да пробате и некоја „појака“ похранлива крема за лице, наместо вообичаените креми користете серуми со хијалуронска киселина, бидејќи тие помагаат кожата да ја задржи влажноста.
Јадете зелено овошје, бидејќи е добар извор на витамин Ц, како брокули, цитрони, а на вашата маса барем три пати неделно би требало да се најде и риба (скуша, лосос).
