Исхраната богата со сол е познато дека го зголемува ризикот од зголемување на крвниот притисок.
Едно неодамнешно истражување покажа дека внесувањето на соодветни дози на калиум исто така е важно во одржувањето на стабилен крвен притисок.
Високиот крвен притисок или хипертензија, може да биде тивок убиец. Се проценува дека ширум светот од тоа страдаат 1 милијарда луѓе. Светската здравствена организација смета дека хипертензијата е причината за 51% од смртните случаи од мозочен удар и 45% од смртни случаи поврзани со срцеви болести.
Истражувањата низ годините покажаа дека исхраната богата со сол, односно натриум, може да предизвика хипертензија. Сега се дознава дека и калиумот игра голема улога во регулирање на крвниот притисок.
Калиумот е електролит што е неопходен за да може нервите да ги пренесуваат информациите низ телото и за контракција на мускулите. Калиумот го одржува срцевото отчукување и помага да се пренесат хранливите состојки до клетките и да се отстрани клеточниот отпад. Калиумот исто така помага во одржување на здрави коски и го намалува ризикот од појава на камења во бубрезите.
Научниците велат дека со зголемување на нивото на калиум што го внесуваме преку исхраната може да се помогне за природно регулирање на крвниот притисок.
Храна богата со калиум: туна и лосос, јогурт, обезмастено млеко, јајца, печурки, бадеми, банана авокадо, спанаќ.
За возрасни се советува да внесуваат најмалку 4,7 грама калиум дневно за да го намалат високиот крвен притисок.