Mercedes-Benz Trucks ја прослави светската премиера на електричното возило eActro за тежок дистрибутивен транспорт. Mercedes-Benz Trucks најавува нова ера со лансирањето на првиот електричен сериски модел со знакот ѕвезда.
Откако Mercedes-Benz Trucks го претстави концептот на камион за тежок дистрибутивен транспорт за урбани средини на Саемот за комерцијални возила IAA во Хановер во 2016 година, во 2018 година започна практичното тестирање на 10 прототипови eActros во соработка со клиенти во Германија и други европски земји. Целта на eActros Innovation Fleet беше лансирање на eActros подготвен за сериско производство на пазарот во 2021 година.
„Развојот на eActros е фокусиран на партнерство со нашите клиенти. Сè што научивме од проектот Inovation Fleet сега е вметнато во сериското производство. Во споредба со прототипот, неколку карактеристики како што се досег, моќност и безбедност се значително подобрени во серискиот модел“, Објаснува Андреас фон Валфелд, раководител на одделението за продажба и маркетинг во Mercedes-Benz Trucks.
Во технолошката срж на eActros е погонски агрегат со два интегрирани електрични мотори заедно со двостепен менувач. И двата мотори обезбедуваат импресивна удобност при возење и одлична динамика на возилото, додека тивкиот електричен погон без емисии значи дека камионот може да се користи за ноќни испораки, како и за влез во центарот на градот каде што инаку важат забрани за дизел возила. Во зависност од верзијата, eActros црпи моќност од 3 или 4 пакувања батерии - секој со капацитет од околу 105 kWh. Благодарение на максималниот капацитет од 420 kWh, дометот до 400 км е реален.
Со капацитет за полнење од 160 kW, на батериите им треба малку повеќе од еден час да се полнат од 20 до 80 проценти кога се поврзани со редовна станица за еднонасочно полнење 400А (DC). „Затоа, eActros е совршено опремен за секојдневно работење во дистрибутивниот транспорт, во однос на достапноста и перформансите“, додава Фон Валфелд.
За да им помогне на компаниите за транспорт чекор по чекор да се движат кон електромобилност, Mercedes-Benz Trucks го инкорпорираше eActros во сеопфатниот систем кој вклучува советници и производи за услуги на клиенти. Електричниот камион има и висок степен на поврзаност и дигитализација.
Ова исто така важи и за безбедноста на возилото. Во најновата генерација Actros со конвенционален дизел-погон, Mercedes-Benz Trucks веќе обезбеди импресивна демонстрација на безбедносните стандарди што се можни на патот денес, како и што прави производителот за да ја постигне својата визија за сообраќај без несреќи. Со моделот eActros, Mercedes-Benz Trucks не само што внимателно ја следи активната безбедност, во форма на стандардни интегрирани системи како што се MirrorCam, Sideguard Assist S1R или систем од петта генерација Active Brake Assist (ABA) со можност за детектирање пешаци, но исто така се грижи за предизвиците поврзани со електричните возила и нивните високонапонски системи.
Од есен 2021 година, производствениот модел ќе се произведува во најголемата фабрика за камиони Mercedes-Benz во Ворт на Рајна. Во последните месеци се прават интензивни подготовки за нови производствени процеси таму. Ова вклучува изградба на нова линија за склопување. Во почетната фаза, серискиот модел на производство на eActros ќе биде достапен во Германија, Австрија, Швајцарија, Италија, Шпанија, Франција, Холандија, Белгија, Велика Британија, Данска, Норвешка и Шведска. Другите пазари допрва ќе следат.
