Канадски новинар ѝ постави незгодно прашање за руските и белоруските спортисти, на што таа остана без зборови и почна да бега.
Канадската министерка за спорт Паскал Сент-Онж буквално бегаше од новинарот Ив Енгле од Монтреал кој ја праша зошто ѝ сметаат руските и белоруските спортисти поради војната во Украина, но не и американските, канадските и израелските чии земји исто така вршеа воени агресии.
„Рековте дека не сакате учество на руските и белоруските спортисти на меѓународните натпреварувања, како на Олимпијада. Но, дали така се чувствувавте кога САД го нападнаа Ирак? А Авганистан? А што за нашите канадски спортисти откако ги бомбардиравме Либија и Авганистан?“, праша Енгле.
Министерката молчеше и само го гледаше со насмевка, а потоа се заврте и почна да бега од него.
„Зошто не сакаш да ми одговориш на прашањето? Многу едноставно прашање е. Министерке Сент-Онж, многу едноставно прашање е“.
„А што е со израелските спортисти? Израел 50 години ги окупира палестинските територии. Зошто да не се исклучат израелските спортисти? Зошто не одговараш на прашањето? Зошто не повикаш на исклучување на израелските спортисти?“, заврши Енгле и остана без одговор.