Сенегалската ѕвезда Садио Мане веројатно ќе го прошушти Мундијалот во Катар откако синоќа заработи повреда играјќи за Баерн.
Баварскиот тим, со 6:1 го преслуша Вердер во вонредното коло претпоследно пред мундијаласката пауза, а победата се чини ќе биде кобна за еден од најдобрите фудбалери коии треба да се појават во Катар. Според француски L'Équipe, повредата ќе гои чини Мане пропшуштање на Мундијалот, а Сенегал голем пех во остварувањето на амбициите, минување на групоната фаза.
Се играше 19. минута кога при 1:1 Мане од позади го напаѓаше Амос Пипер и веројатно доживеа некаквбо истегнување бидејќи всушност Пипер беше тој кој завршпи на земја по дуелот. Веднаш по дуелот мане се пожали дека нешто не е во ред, па Јулиан Нагелсман веднбашп го изваде од игра.
По натпреварот, предводникот на Баерн изјави дека повредата „е на непријатно место, навлегува малку во мускулот“.
„Доби удар во горниот дел од големата писка (тибија), што секогаш предизвикува непријатно чувство. Мора да направи рентген за да се види дали има некаква штета, бидејќи овој дел лесно се расцепува. Но, се надевам дека не е ништо. Сѐ уште не можам да кажам ништо со сигурност“, додаде Нагелсман.
Но, денеска L'Équipe вели дека Мане отпаѓа од списокот на Сенегал бидејќи повредата не може да заздрави за 12 дена, колку што има до првиот натпревар на Сенегал на Мундијалот, на 21 ноември против Холандија.
Доколку има надеж дека 30-годишниот Мане би се опоравил додека сѐ уште трае групната фаза, може да отпатува како што направи Мохамед Салах на Мундијалот во 2018 година во Русија. Тој тогаш беше повреден, но се најде на списокот и успеа да се врати за натпреварот од 2. коло. Сепак, дополнителните испитувања ќе покажат дали несреќниот Мане може да се надева на такво нешто. Селекторот Алиу Сисе сигурно би го ставил на списокот дури и да може да игра дури во 3. коло.
Без него во составот, Сенегал ќе биде далеку од оној тим на кој му се предвидува подолг престој во Катар.