Македонија

Катица Јанева бара апанажа

1. ноември 2019 - 16:11 | МИА

Скопје, 1 ноември 2019 (МИА) – На денешната седница на собраниската Комисија за прашања на изборите и именувањата претседателот на Комисијата Илија Димовски информираше дека до Комисијата стигнал допис од адвокатката на поранешната специјална јавна обвинителка Катица Јанева, во кој што се бара да ѝ се одреди апанажа.

Во образложението на адвокатката на Јанева до Комисијата се наведува дека нејзиното барање е врз основа на законските можности кои не забрануваат и не исклучуваат можност притворени или разрешени функционери да бараат апанажа.

Катица Јанева е една од обвинетите во случајот „Рекет“ заедно со Бојан Јовановски и Зоран Милевски.

Коментирај