Казахстанскиот бодибилдер Јуриј Толочко мораше да го откаже бракот со неговата секс-кукла Марго поради коронавирусот, пренесе Russia Today.
Во врска е со куклата од мај, 2019 година, а неодамна на социјалните мрежи ги објави плановите за свадба со Марго.
Силиконската секс-кукла Марго има и сопствен профил на Instagram, каде Толочко секојдневно ги објавува плановите за свадбата. Но, сега сè е откажано поради епидемијата со COVID-19.
„Пријатели, свадбата е откажана поради карантинот“, ги извести Толочко пријателите на Instagram. „Штом излеземе од карантин, свадбата ќе биде направена. Ние сме решени така да биде и сме во добро расположение“, додаде тој.
Како дополнување, тој објави и видео со неговата свршеница направено во текот на патување во Тајланд.
Можеби звучи смешно, но Толочко и неговата партнерка се ѕвезди на социјалните медиуми и чести гости во телевизиски емисии во Русија и во други земји.