Во текот на вчерашниот ден (21.08.2022) Министерството за внатрешни работи спроведе засилена акциска контрола на територијата на Република Северна Македонија за санкционирање на возила чии возачи не ги почитуваат сообраќајните правила и прописи.
На територија на град Скопје изречени се вкупно 220 мерки, меѓу кои за возење повеќе од дозволената брзина 76 санкции, 46 мерки за возење без возачка дозвола, 20 за возење под дејство на алкохол, 5 мерки за користење мобилен телефон, 6 санкции за прекршоци што ги прават возачите на мотоцикли, 13 санкции за нерегистрирани возила, 7 мерки за некористење сигурносен појас...
Во периодот од 17:00 до 23:30 часот спроведена е засилена акциска контрола во делот на сообраќајот на територија на Општина Чаир во Скопје. При контролата санкционирани се 64 возачи, од кои 22 за возење без возачка дозвола, 6 за возење со брзина поголема од дозволената, 3 возила се одземени поради истечена сообраќајна дозвола и предизвикување голема бучава...
„Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заедничким да придонесеме за побезбедни патишта“, порачуваат од МВР.