Најдобриот трик за побрз раст на косата е потполно бесплатен и секоја може дома да го проба.
Дали знаете дека не мора да купувате скапи средства за побрз раст на косата? Фризерите се „колнат“ во трикот на масажа на главата, а имаат и неколку совети за секоја да може да го направи тоа дома. Го стимулира растот на косата и циркулацијата на скалпот, а косата ќе изгледа посјајно и поубаво поради фактот што всушност потемелно ќе ја измиете косата. Без разлика дали користите прсти или некој од масажерите за скалп, ова се триковите на професионалните фризери кои овозможуваат најдобра масажа на скалпот.
Ако само правите движења напред-назад, влечејќи ги врвовите на прстите по кожата, косата ќе ви се заплетка и нема доволно да го стимулирате скалпот. Најдобро е да го масирате скалпот со кружни движења.
Агресивниот притисок врз скалпот, особено ако имате подолги нокти, може да има контра-ефект. Косата ќе ви падне или скалпот ќе ве пецка. Направете малку притисок, ќе почувствувате дали ви се допаѓа или не.
Речиси секоја има дел од скалпот од кој не е многу задоволна. Дали таму косата ви е проретчена, некаде ви се првути... Избегнувајте ги тие делови барем на почеток. Воспалениот скалп кој има промени како првут или болка не треба дополнително да се стимулира. Почекајте да помине овој проблем и дури потоа вклучете го тој дел од кожата.
Масажата на главата никогаш не треба да биде болна, за да делува мора да биде пријатна, релаксирачка и да ви дава чувство на освежување.