Изгледа како невиден хаос, но функционира.
Ова е еден од најголемите сообраќајни кружни текови во светот - Магичниот кружен тек (Magic Roundabout) во Свиндон, Англија.
Дизајниран е од сообраќајниот инженер Френк Блекмор и изграден во 1972 година. Овој огромен кружен тек можеби на прв поглед изгледа како хаос, но зад него има сериозно планирање.
Ова сообраќајно чудо се состои од пет помали кружни текови во насока на стрелките на часовникот, еден централен кружен тек спротивно од стрелките на часовникот и надворешен круг што го комплетира дизајнот.
Како што возачите се приближуваат до кружниот тек, тие може да свртат лево или десно, во зависност од тоа каде одат и дали сообраќајот е особено густ или слаб во еден или друг дел од кругот. Magic Roundabout им нуди на возачите различни правци до која било дестинација - намалувајќи го сообраќајот преку создавање поефикасен проток.
Првично наречен County Islands, Magic Roundabout го доби прекарот по воведувањето на детско ТВ-шоу со тоа име, а прекарот беше официјално променет - дури се појавува на уличните знаци - во 80-тите.
Од воведувањето на овој кружен тек пред повеќе од 40 години, градот Свиндон бележи пад на несреќите иако сообраќајот на крстосницата е зголемен. Ова е во согласност со трендот на кружни текови - извештај од 2010 година покажа дека кружните текови ги намалуваат и судирите од возило до возило и несреќите со пешаци.
Винтиџ автомобилите од видеото се собраа на Magic Roundabout за да ја прослават 175-годишнината на Свиндон.
Magic Roundabout долго време има место во британската популарна култура; наводно ја инспирирал песната „English Roundabout“ од њу вејв бендот HTC од 1982 година.