Живот

Кејт Мидлтон повторно се инспирираше од принцезата Дијана

15. октомври 2019 - 9:45 | А.С.

Британскиот принц Вилијам и неговата сопруга Кејт Мидлтон синоќа пристигнаа во воената база Нур Кан каде почна нивната петдневна турнеја низ Пакистан.

Кејт, позната по нејзиниот беспрекорен кралски моден вкус, се појави од авионот облечена во креација од фустан и шалвари, што оддава почит на пакистанската култура.

Нејзиниот моден избор потсети на изгледот на принцезата Дијана, мајката на Вилијам, при нејзината посета на Пакистан во 1996 година.

Креацијата е на Кетрин Вокер, дизајнерка на која Кејт ѝ верува и често соработува со неа, а исто така соработуваше и со Лејди Ди.

Војвотката од Кембриџ и претходно црпела инспирација за нејзиниот изглед од модните избори на Дијана, давајќи им современ шарм, а сепак безвременска елеганција.

Утрово Кејт и Вилијам посетија локално училиште, а војвотката од Кембриџ повторно избра креација во сина боја, овојпат во нијанса Royal Blue.

Коментирај