Пејачката Кејти Пери и актерот Орландо Блум, ја соопштија веста дека добиле дете – ќерка на која ѝ дадоа име Дејзи Блум.
Двојката ја соопшти радосната вест преку УНИЦЕФ – добротворната организација во која и двајцата се Амбасадори на добрата волја.
„Лебдиме од љубов и зачуденост од безбедното и здраво доаѓање на овој свет на нашата ќерка“, напишаа 35-годишната Пери и 43-годишниот Блум.
Двајцата споделија дека породувањето на Пери било лесно и нагласија дека се благодарни што имале такво искуство.
„Заедниците ширум светот уште се соочуваат со недостиг на здравствени работници и на секои 11 секунди умира една брмена жена или новороденче, најчесто од причини кои можеле медицински да се спречат. Со доаѓањето на COVID-19 уште повеќе животи на новороденчиња се во ризик поради влошениот пристап до вода, сапун, вакцини и лекови кои спречуваат болести. Како родители на новороденче, ова ни ги крши срцата и повеќе од кога било изразуваме емпатија со родителите кои се соочуваат со вакви проблеми“, рекоа Пери и Блум.
Со надеж дека секоја идна мајка ќе има пристап до стручна лекарска помош и квалитетно здравство, Блум и Пери ги повикаа нивните фанови да донираат за каузите на добротворната организација.
Дејзи Дав е прво дете за Пери и второ за Блум, кој веќе го има девет и полгодишниот син Флин од бракот со Миранда Кер.
Двојката почна да се забавува во јануари 2016 и се сврши во февруари, 2019 година.
Веста за бременоста Пери ја соопшти преку видеоспотот за песната „Never Worn White“:
Честитки за радосната вест веќе почнаа да стигнуваат од нивните колеги, а меѓу првите им честиташе пејачката и актерка Лејди Гага: