Полицијата во Њујорк соопшти дека се уапсени околу 50 луѓе во текот на протестите на симпатизерите на Бајден. Социјалните мрежи се преполни со фотографии и видеа кои се споделуваат, прикажувајќи како демонстрантите се тепаат со полицајци, маршираат по улици и го блокираат сообраќајот.
Ден по гласањето на американските претседателски избори, демонстранти излегоа низ улиците на Њујорк. Некои од нив носеа обележја на Џо Бајден и напаѓаа полицајци.
Во Портланд полицијата уапси 10 луѓе и заплени пиротехника и оружје. Гувернерката на Орегон, Кејт Браун, ја активираше Националната гарда како одговор на широко распространетото насилство по гласањето на изборите.
Некои од симпатизерите на Трамп излегоа оружени со пушки и пиштоли пред изборниот центар во Аризона, тврдејќи дека гласовите за републиканскиот кандидат намерно не се избројани.
Протести има и во Атланта, Детроит и Оукленд. Демонстрантите бараат непречено пребројување на гласовите.