Голманот на Аргентина, Емилиано Мартинес, ја освои наградата Лав Јашин, за најдобра голман, а на Норвежанецот Ерлинг Холанд му припадна наградата Герд Милер за најдобар стрелец, на гала церемонијата на 67. издание на Златната топка, која ја доделува France Football.
Еми Мартинес беше фаворит со оглед на фактот дека со Аргентина ја освои светската титула на Мундијалот 2022 во Катар.
Зад него следуваа Бразилецот Едерсон, а потоа Јансин Буну, Тибо Куртоа, Марк-Андре тер Штеген, Андре Онана, Доминик Ливаковиќ, Арон Рамсдејл, Мајк Мењан и Брис Самба.
На Мартинес наградата му ја врачи татко му, кој беше во салата.
Мартинес со свирежи ја доби наградата. Французите кои беа во салата не заборавија како се однесуваше по финалето во Катар, а и како го навредуваше Мбапе на прославата на титулата во Буенос Аирес.
Немаше никаква дилема за наградата за најдобар напаѓач, која го носи името на легендарниот Германец Герд Милер. Нејзин лауреат е Норвежанецот Ерлинг Халанд, фудбалер на Манчестер сити, кој постигна 52 гола на 53 натпревари.
Зад себе ги остави Килјан Мбапе, Хари Кејн, Лионел Меси и Роберт Левандовски.
