Напаѓачот на Манчестер Сити, Ерлинг Холанд, гостуваше во подкаст со познатиот јутјубер Логан Пол каде откри некои навики во својот живот кои можеби ќе го направат најдобар напаѓач на денешницата.
Норвежанецот откри дека си ја лепи устата со трака и дека 3 часа пред спиење носи специјални очила кои го блокираат синото светло, за да спие што е можно подобро.
„Спиењето е најважната работа на светот. За да спијам здраво, правам едноставни работи како носење очила што ја блокираат сината светлина и исклучување на сите уреди во собата. На долг рок, ми се исплати да правам мали работи за моето здравје“, рече Холанд.
Водителот беше особено заинтересиран за лепењето на устата додека спие.
„Треба да се обидете да си ја залепите устата. Така спијам. Исто така, имам сауна дома, која се обидувам да ја користам секој ден", додаде најдобриот стрелец во Премиер лигата.
Ерлинг Холанд со само 23 години веќе остави неизбришлива трага во фудбалот.
Во кариерата одигра вкупно 241 натпревар на кои постигна неверојатни 190 голови, и сигурно нема да застане тука.
