Истражувачи од Јејл открија дека луѓето кои долго боледувале од ковид имаат пониско ниво на кортизол во крвта.
Хормонот на стрес, кортизол, може да биде причината поради која некои луѓе страдаат од долготраен ковид и со месеци ги чувствуваат симптомите откако ќе прележат COVID-19. Истражувачи од Јејл открија дека луѓето кои боледуваат од долг ковид генерираат двојно помалку кортизол за разлика од нивните здрави врсници.
Иако точната поврзаност меѓу кортизол и долг ковид не е пронајдена, истражувачите имаат нови хипотези за тоа што е причината поради која некој со месеци ги чувствува симптомите, додека други брзо закрепнуваат од вирусот и тоа без долготрајни компликации.
Според студија објавена во The Lancet, секој осми пациент кој прележал COVID-19 чувствува долготрајни последици од болеста.
Кортизолот е главен хормон на стрес во телото. Се активира во надбубрежните жлезди и се шири низ целото тело. Во претходните истражувања, ниското ниво на кортизол е поврзано со синдромот на хроничен умор, а токму чувството на умор е еден од најистакнатите симптоми на долготраен ковид.
Истражувачите од Јејл забележале дека некои пациенти со ковид се чувствуваат подобро по третман со зголемување на нивото на кортизол. Велат дека ќе продолжат со истражувањата за да се открие механизмот кој ја предизвиквуа оваа состојба, како и третманот на истата.
