Магнезиумот е минерал неопходен за здрави мускули, нерви, коски и нивото на шеќер во крвта.
Малку луѓе имаат потреба од суплементи со магнезиум, бидејќи вистинскиот недостаток на магнезиум е редок, особено кај здрави возрасни лица. Повеќето луѓе добиваат доволно од храната.
Магнезиумот го подобрува квалитетот на сонот, го зајакнува менталното здравје, ја ублажува мигрената и го одржува срцето здраво. Го има во многу намирници.
Некои од намирниците со најголемо количество магнезиум по порција се јаткастите плодови, семките, лиснатиот зеленчук и целите зрна, а ние издвојуваме 16 кои лесно ќе се вклопат во сечие мени:
бадеми
кикирики
наут
семки од тиква
варен спанаќ
киноа
кафеав ориз
тофу
чиа семе
темно чоколадо
млеко од соја
авокадо
путер од кикирики
банана
блитва
интегрален леб.
Иако недостатокот на магнезиум е редок, неговите симптоми често укажуваат на основна медицинска состојба, како што се нерамнотежа на тироидната жлезда, гастроинтестинални заболувања, панкреатитис, бубрежна болест и дијабетес.
Симптомите на недостаток на магнезиум вклучуваат анксиозност, несоница, синдром на немирни нозе, раздразливост, гадење или повраќање, низок крвен притисок, грчеви во мускулите и конфузија.
Возраста и полот играат улога во тоа колку магнезиум треба да внесуваме на ден. Повеќето луѓе добиваат здрава количина на магнезиум преку нивната исхрана. Клиниката Мајо ги препорачува следните дневни дози на магнезиум.
Возрасни мажи и тинејџери: 270 до 400 милиграми
Возрасни жени и тинејџерки: 280 до 300 милиграми
Бремени жени: 320 милиграми
Доилки: 340 до 355 милиграми
Деца од 7 до 10 години: 170 милиграми
Деца од 4 до 6 години: 120 милиграми
Деца од 3 години и помлади: 40 до 80 милиграми
Ако се сомневате дека имате недостаток на магнезиум, консултирајте се со вашиот лекар.